Собор Крымских святых

Служба новомученикам Таврическим Припев: Вси́ святи́и земли́ Таврическия, моли́те Бо́га о на́с. Память 28 декабря (15 декабря ст. ст.) __ Канон святым священномученикам, в Херсоне епископстовавшим Припев: Святи́и священному́ченицы, моли́те Бо́га о на́с. Память: 20 марта (07 марта ст. ст.) Глас 2. __ Акафист священномученикам, в Херсоне епископствовавшим Память: 20 марта (07 марта ст. ст.) __ Акафист всем святым, в земли Тавричестей просиявшим Память 28 декабря (15 декабря ст. ст.) __ Акафист Собору Херсонских святых Память: 05 сентября (23августа ст. ст.) __ Собору Крымских святых Тропарь, глас 4. Днесь све́тло красу́ется Це́рковь Кры́мская/ и ра́достно торжеству́ют правосла́вных мно́жества,/ соверша́я па́мять Таври́ческих всех святы́х,/ от апо́стол Христо́вых до ны́не просла́вленных,/ с ни́ми же новому́чеников и испове́дников ве́ка двадца́таго,/ и́хже предста́тельством и моли́твами/ да́руй, Го́споди, всем нам по́мощь Боже́ственную/ непоколеби́мы пребыва́ти в Правосла́вии,// Твою́ бога́тую ми́лость, благоде́нствие и спасе́ние душ на́ших. Кондак, глас 3. Я́ко же́ртву непоро́чну и благоуго́дну Христу́ принося́ще,/ Правосла́вная Це́рковь Кры́мская све́тло пра́зднует,/ соверша́юще собо́рную па́мять святы́х уго́дников Таври́ческих,/ от земли́ на́шея восте́кших/ и насе́льниками ра́йских селе́ний бы́вших./ И мы вси под кров их моле́ний притека́ющи,/ избавля́емся от належа́щих бед и зол,/ воспева́я ку́пно с ни́ми Святу́ю Тро́ицу,// да́рующую нам спасе́ние и ве́лию ми́лость. Величание Величаем вас / святии вси в земли Тавричестей просиявшии / и чтим святую память вашу, / вы бо молите о нас / Христа Бога нашего. Молитва О, преблаже́ннии и пресла́внии му́ченицы и испове́дницы Таври́честии, Це́ркви Христо́вой досто́йное украше́ние, ско́рии засту́пницы и те́плии пред Го́сподем предста́телие и моли́твенницы, зе́млю на́шу житие́м, по́двигом и кро́вию освяти́вшии, священному́чениче Порфи́рие, архипа́стырю Кры́мский, и священнослужи́телие, во у́зах да́же до сме́рти и́мя Христо́во испове́давшии Дими́трие, Нико́лае, Варфоломе́е, Тимофе́е, Иоа́нне, Влади́мире, Анто́ние, Нико́лае, Андре́е, Елеаза́ре и му́ченицы Дими́трие и Стефа́не воззри́те ми́лостивно на ны́, чту́щих пресве́тлую па́мять ва́шу. Вы́ бо ревни́телие еди́нства Це́ркви бы́ли есте́ и ны́не на́шу зе́млю во святе́м правосла́вии утверди́те, от раско́лов и шата́ний огради́те, враго́в, ополча́ющихся на ны́, ви́димых и неви́димых, низложи́те. Испроси́те Человеколюби́ваго Бо́га дарова́ти на́м ти́хое и безмяте́жное житие́ да сподо́бимся моли́твами ва́шими получи́ти оставле́ние грехо́в и дости́гнути Ца́рства Небе́снаго, и́де же вы́ непреста́нно сла́вите Всесвяту́ю Тро́ицу Отца́ и Сы́на и Свята́го Ду́ха во ве́ки веко́в. Ами́нь.