Այս իշխանությունն ուզում է ՌԴ–ի հաշվին լավ հարաբերություններ հաստատել այլ երկրների հետ

«Հայրենիք» կուսակցության անդամ, փորձագետ Բաբկեն Հարությունյանը Sputnik Արմենիայի եթերում անդրադարձել է հոկտեմբերի 31-ին Սոչիում կայացած Պուտին-Ալիև-Փաշինյան եռակողմ հանդիպմանն ու դրա արդյունքներին։ Հարությունյանի խոսքով` եռակողմ հայտարարության մեջ ռուս խաղաղապահների ներկայության վերաբերյալ ևս մեկ անգամ արձանագրումը շատ կարևոր է Հայաստանի համար, քանի որ այն ունի կենսական նշանակություն։ Նա ընդգծում է, որ հայ հանրության դրական սպասումները Արևմուտքից անիրատեսական են։ Իսկ Արևմուտքը, օգտվելով Հայաստանում մարդկանց հուզական վիճակից, հրահրում է հակառուսական տրամադրություններ։ Ստեղծված իրավիճակում Հարությունյանը ակնկալում է, որ ՀՀ գործող իշխանությունները չեն փչացնի հարաբերությունները հարևան Իրանի հետ, քանի որ ներկայիս իրավիճակում Իրանն է, որ կարող է որևէ աջակցություն տրամադրել Հայաստանին։