Як на даносах рабілі кар’еру | Как на доносах делали карьеру

Адзін з самых уплывовых беларускіх літаратурных крытыкаў, літаратуразнаўцаў і кінасцэнарыстаў – Айзік Евелевіч Кучар. Ён здолеў не толькі перажыць часы сталінскага тэрору, але і зрабіць кар’еру. Як пры жыцці Кучара, гэтак і цяпер шмат хто ўпэўнены, што ў страшныя 1930-ыя гады Айзік Евелевіч актыўна пісаў даносы на сяброў-пісьменнікаў. Улетку 1980 года выходзяць «Літаратурна-крытычныя артыкулы Алеся Кучара». Добра выпіўшы, аўтар са стосам экзэмпляраў сваёй свежай кнігі ў руках сядае за стырно «Волгі». Алесь Кучар ужо вядомы літаратуразнаўца і прызнаны сцэнарыст БССР. Паводле ягоных сцэнароў паставілі такія вядомыя стужкі, як «Чырвонае лісце», «Гадзіннік спыніўся апоўначы», «Усходні калідор». Аднак сцэнарыст засмучаны. «Чаму ж ён не радаваўся, а гнаў на сваёй «Волзе» так, быццам уцякаў ад самога чорта?», – пытаецца вядоўца Васіль Дранько-Майсюк. П’яны Кучар трапляе ў пастарунак міліцыі, дзе ў яго забіраюць правы ды затрымліваюць на ноч. У паўзабыцці да Айзіка прыходзяць прывіды ягоных коліш