НСИМ АЙСИНА ШИЫРЫ ТЫУАН ЯА ТАРТА КЕЛЕМ

22 июль көнө Таҡһыр мәктәбе туғыҙ йыллыҡ булған ваҡытта эшләгән уҡытыусылар осрашыуға йыйылды..Алдан һөйләштек тә, нисек сараны үткәреү тураһында. Һәм 22 июль көнө Бөрсөнсө күле янында йыйылдыҡ. Барыбыҙ ҙа осрашыуға ашҡынып килдек. Һағындырған да шул.. .Бынан 21 йыл элек, 2002 йылдың сентябрь айында, Таҡһыр ауылында туғыҙ йыллыҡ мәктәп асылды. Ауыл халҡының олоһона ла, кесеһенә лә, мәктәптә эшләүсе уҡытыусыларға ла ҙур шатлыҡ булды. Тик туғыҙ йылдан һуң, ауылда балалар һаны кәмеү сәбәпле, йәнә Таҡһыр ауылы мәктәбе дүрт йыллыҡ булып ҡалды. Шуғаса, дүрт йыллыҡ мәктәптә, мин, Рәмилә Нуриәхмәт ҡыҙы икешәр класты уҡыттыҡ. Мәктәпкә эшләргә әле генә уҡыу йорттарын тамамлаған йәп-йәш ҡыҙ һәм егеттәр уҡытырға килде. Ә мәктәпкә директор булып йәш, талапсан Йомадил Вәкил улы килде.Барыһының да дәртле саҡтары ла. Хәтерҙә әле лә, ауыл халҡының туғыҙ йыллыҡ мәктәп асылыу көнөн түҙемһеҙләнеп көтөп алыуы. Еңелдән түгел ине балаларҙың күрше ауылға йөрөп уҡыуы... Ауыл халҡы мәктәп уҡытыусыларының эше менән гөрләп йәшәне. Мин Йомадил Вәкиловичты тик яҡшы хәтирәләрем менән генә иҫкә алам. Етәкселек эшен ихлас башҡарыусы директор булды ул. Бер уға шулай тип тә әйттем: “Йомадил Вәкилович, һеҙгә ҙур предприятиелә етәксе булып эшләрәгә лә булыр ине“, - тип. Эйе ...етәксе эше еңелдән түгел. Уттай янып торған йөрәкле етәксе ҡулында йәш уҡытыусылар тырышып эшләне. Ниндәй генә сара үткәрһәк тә юғары кимәлдә үтте. Бер-беребеҙең дәрестәренә йөрөп белемебеҙҙе үҫтерерҙек, шул уҡ ваҡытта тәнҡит һүҙебеҙҙе лә әйтә инек. Бер тартынманыҡ та, үпкәләмәнек тә бер-бебеҙҙең тәнҡит һүҙенә. Һағынып һөйләргә, генә ҡалды ул ваҡттағы мәктәптә эшләгән саҡтар. Шуға ла беҙ аралашып торабыҙ. Бына икенсе тапҡыр осрашыуға йыйылдыҡ. Күптәр килә алманы. Һөйләшеп тә туйманыҡ,... Һаубуллашҡанда йыл да осрашып торорға һөйләштек.