Развивающий - игровой модуль “ВРЕМЕНА ГОДА“

“Елның дүрт фасылы була, Беләсең син һәрберсен. Үзенчәлекләре дә күп, Миңа әйтеп бирерсең ” Г.Тукай. Дөнья барлыкка килгәннән бирле, ел фасыллары бер – берсен гармонияле рәвештә алыштыра бара.Без сезнең белән аларның алмашынуын бик сизелерлек илдә яшибез.Балаларга бу сихри күчү чорын күрсәтү максатыннан чыгып, мин үстерелешле - уен модулен ясарга булдым. Мәктәпкәчә бала чорында дөнья һәм табигать турында гомуми күзаллауга нигез салына. Шуңа күрә балаларның уен барышында алган белемнәре дөрес, төгәл, төпле булырга тиеш.Танып - белү өлкәсе бары тик үз тәҗрибәле, нәтиҗәле һәм эмоциональ булганда гына, бала табигатькә карата сакчыл караш күнекмәләрен формалаштыра ала. Алмашынып килгән табигать күренешләренең мөнәсәбәтләрен билгеле бер структурада өйрәнүнең отышлы төре булып яңа уен формалары тора.