Em ê hêviyên şehîdên xwe bînin cîh

Fermandariya giştî ya YPJ bi daxuyaniyeke fermî rizgarkirina bajarê Reqqayê ji raya giştî re ragihad. Di seetên sibê de amadekariya daxuyaniyê hate kirin. Gelek fermandarên YPJ jî di nav de bi sedan şervanên YPJ qada Naîm de kombun bi pîrozbahiyek heybet dest bi bernameya xwe kirin. Şervan bi çoşekî mezin govanda azadiyê di qada Naîm de gerandin û rizgarkirina bajarê Reqqayê diyarî tevahî gelên azadîxwez kirin. Her wiha ji bo rêzgirtina gelê Ereb jî daxuyanî bi zimanê Erebî ji aliyê berdefaka fermî ya YPJ Nesrîn Abdullah ve hate xwendin. Di nav bernameyê de gelek şervanan hestên xwe ji bo rizgarkirina bajarê Reqqayê anînin ziman. Şervanan di dîtina xwe de herî zêde bal kişandin ser rêhevalên xwe yên ku di rizgarkirina Reqqa û gelek deverên din gihîştine şehadetê bibîranîn û soza bi cih anîna hêviyên wan dan. Her wiha şervanên YPJ’ê rizgarkirina bajarê Reqqayê di serî de li Rêberê gelê Kurd Abdullah Ocalan, tevahî gelên Sûrî û hemû jinan pîroz kirin. Piştî daxuyaniya fermî hemû şervanên YPJ’ê bi kêyfxweşiya ri