5000 КЕШЕЛЕК ИФТАР

Әлеге ифтар төбәгебездә бердәмлекне ныгытуга һәм татулыкны саклап калуга, гореф-гадәтләребезне үстерүгә һәм яшьләрне тәрбияләүгә зур өлеш кертә, дип белдерде Ульяновск шәһәрендә узган ифтарда өлкә губернаторы Алексей Русских. Сембер төбәгендә яшәүче дин-кардәшләребез әнә шулай күмәкләшеп ифтар мәҗлесен 2007 елдан бирле уздыралар. Баштагы елларда өстәлләр 500 кешегә әзерләнгән булса, быел бу сан 5000 гә җитте. Алар арасында илебезнең 18 төбәгеннән дә кунаклар бар иде. Әлеге мәртәбәле чарада Татарстаннан да зур делегация катнашты. Боларның барысы хакында тулырак Рамис Сафин репортажында.