Принесение в Москву Иверской иконы Божией Матери

Канон Пресвятой Богородице пред иконой «Иверская» Припе́в: Пресвята́я Богоро́дице, спаси́ на́с. Память: 25 февраля (12 февраля ст. ст.); 21 апреля (08 апреля ст. ст.); 06 мая (23 апреля ст. ст.); 26 октября (13 октября ст. ст.) Глас 8. __ Акафист Пресвятой Богородице пред иконой «Иверская» Память: 25 февраля (12 февраля ст. ст.); 04 мая (21 апреля ст. ст.); 06 мая (23 апреля ст. ст.); 26 октября (13 октября ст. ст.) __ Тропарь Пресвятой Богородице пред иконой Ея «Иверской», глас 1. От святы́я ико́ны Твоея́,/ о Влады́чице Богоро́дице,/ исцеле́ния и цельбы́ подаю́тся оби́льно,/ с ве́рою и любо́вию приходя́щим к ней./ Та́ко и мою́ не́мощь посети́,/ и ду́шу мою́ поми́луй, Блага́я,// и те́ло исцели́ благода́тию Твое́ю, Пречи́стая. __ Кондак Пресвятой Богородице пред иконой Ея «Иверской», глас 8. А́ще и в мо́ре вве́ржена бысть свята́я ико́на Твоя́, Богоро́дице,/ от вдови́цы, не могу́щия спасти́ сию́ от враго́в,/ но яви́лася есть Храни́тельница Афо́на/ и Врата́рница оби́тели И́верския, враги́ устраша́ющая/ и в Правосла́вней Росси́йстей стране́// чту́щия Тя от всех бед и напа́стей избавля́ющая. __ Величание Пресвятой Богородице пред иконой Ея «Иверской» Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/егоже обители Иверстей // яко покров даровала еси. __ Молитва Пресвятой Богородице пред иконой Ея «Иверской» О Пресвята́я Де́во, Ма́ти Го́спода, Цари́це Небесе́ и земли́! Вонми́ многоболе́зненному воздыха́нию душ на́ших, при́зри с высоты́ святы́я Твоея́ на нас, с ве́рою и любо́вию поклоня́ющихся пречи́стому о́бразу Твоему́. Се бо, грехми́ погружа́емии и скорбьми́ обурева́емии, взира́юще на Твой о́браз, я́ко живе́й Ти су́щей с на́ми, прино́сим смире́нная моле́ния на́ша. Не и́мамы бо ни ины́я по́мощи, ни ина́го предста́тельства, ни утеше́ния, то́кмо Тебе́, о, Ма́ти, всех скорбя́щих и обремене́нных! Помози́ нам, не́мощным, утоли́ скорбь на́шу, наста́ви на путь пра́вый нас, заблужда́ющих, уврачу́й и спаси́ безнаде́жных, да́руй нам про́чее вре́мя живота́ на́шего в ми́ре и тишине́ проводи́ти, пода́ждь христиа́нскую кончи́ну и на Стра́шнем Суде́ Сы́на Твоего́ яви́ся нам милосе́рдая Засту́пница, да всегда́ пое́м, велича́ем и сла́вим Тя, я́ко благу́ю Засту́пницу ро́да христиа́нскаго, со все́ми угоди́вшими Бо́гу. Ами́нь. __ Мягкие кожаные ботиночки для малышей Shopping on ebay: