Эпидемиологик хәлгә күҙәтеү

Баймаҡ ҡала үҙәк дауаханаһы мәғлүмәттәре буйынса, госпиталдә 39, Провизор госпиталендә 16 сирле дауалана. Иҫегеҙгә төшөрәбеҙ, республикала 65 йәштән олораҡ һәм хроник сирҙәре булған граждандар өсөн мотлаҡ ҡурсаланыу режимы индерелде. Улар мотлаҡ рәүештә өйҙә ултырырға тейеш, билдәләнгән ваҡытта ғына сығырға мөмкин. 11 сәғәттән 13 сәғәткә тиклем ҡурсаланыу режимы ғәмәлдә булмай. Был арауыҡта өлкән йәштәгеләр тышҡа сығып йөрөй, магазин, дарыуханаларға һәм башҡа урындарға бара ала. Битлек кейеү-мотлаҡ талап.