Бишкекте Мамлекеттик цирк капиталдык оңдоодон кийин ачылды

Бүгүн капиталдык оңдоодон кийин Абубакир Изибаев атындагы мамлекеттик цирктин ачылыш аземи болду. Салтанатка президент Садыр Жапаров баш болгон өлкө жетекчилери жана маданият өкүлдөрү, шаар тургундары катышты. Көрүүчүлөр үчүн көңүл ачуучу театралдык жана цирк оюндары тартууланды. Аталган маданий мекемеге 40 жылдан бери биринчи жолу капиталдык оңдоо иштери жүргүзүлдү.