Святой праведный Аарон Первосвященник

Канон святым отцам Припев: Святи́и отцы́, моли́те Бóга о нáс. Память: 03 января (21 декабря ст. ст.) Глас 6. __ Канон святым праотцам Припев: Святи́и прáотцы, моли́те Бóга о нáс. Память: 27 декабря (14 декабря ст. ст.) Глас 1. __ Акафист святому пророку и первосвященнику Божию Аарону Память: 02 августа (20 июля ст. ст.) __ Тропарь праведному Аарону первосвященнику, глас 3. Сте́блю Леви́ина ко́рене,/ приимы́й чин дре́вняго Мафусаи́ла,/ он бо о́тча ра́ди к Бо́гу вознесе́ния,/ ты же бра́тня ра́ди с Бо́гом бесе́дования,/ первосвяще́нный во Изра́или моле́бниче о всех,/ умоли́ Бо́га ку́пно с бра́том свои́м богови́дцем,// да изба́вимся от вся́кия ско́рби. __ Кондак праведному Аарону первосвященнику, глас 3. Преиспещре́но имы́й одея́ние от честны́х ка́мений,/ процвете́нный свяще́нством, Ааро́не,/ твой сухи́й жезл процвету́щий/ прообразова́ше от Нескве́рныя Пречи́стыя Де́вы Сы́на Бо́жия рождество́,/ и́стиннаго Священнопа́стыря старе́йшаго,/ Его́же моли́ со все́ми освяще́нными ли́ки,// да спасе́т ны по вели́цей Его́ ми́лости. __ Величание Велича́ем тя,/ святы́й пра́ведный Ааро́не,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего. __ Молитва святому праведному Аарону Первосвященнику О, святый славный пророче и первосвященниче Божий Аароне! Архиерейским служением своим первосвященство великаго Архиерея Христа Сына Божия прообразовавый и жертвами непорочными Его жертву на крестном алтаре за весь мир провозвестивый. Ныне мы искупленные Его честною Кровию восхваляем тя и просим. Твоим предстательством у престола Всевышнего испроси нам вся потребная в жизни сей и душам нашим полезная. Пастырям нашим испроси мудрости и ревноси по Бозе, попечения о словесных овцах, воинству нашему победу на враги даруй, младенцы возрасти, юных во благочестии и целомудрии воспитай, супругам согласие и мир ниспошли, старых поддержи, немощных исцели и во вражде сущия умири. Всем же нам подай в Православной вере утверждения и мирную непостыдную кончину христианскую и Святых Таин причастну. Да благочестно пожив веце сем, сподобимся достигнути вечнаго Небеснаго Царствия идеже ты ныне пребывеши со сродником твоим великим Моисеем и сродницей твоей святой Мариамною и тамо со всеми святыми прославлять Святую Троицу во веки веков. Аминь.