ҺӨЙӨҮ МӘҢГЕ Нәсимә Ғайсина көйө, Тамара Искәндәриә һүҙҙәре

ҺӨЙӨҮ МӘҢГЕ — Ҡара һөрөм ауыр болоттарҙан Йөрәк өшөй, йәнем, ҡарасы? — Тик һөйөүҙән, йәнем, тик һөйөүҙән Дауалана йөрәк яраһы. — Дәһшәт тулы күктәр беҙҙең йөҙгән Күлебеҙҙә лә бит сағыла!.. — Тик һөйөүгә һыйын, тик һөйөүгә, Ҡабатлайым тағы, тағы ла. — Үҙе тетрәнгес тә, үҙе матур, Күңел түрҙәре лә таҙара... — Тик һөйөүҙәр мәңге, тик һөйөүҙәр, Үҙгәрер ул сихри манзара. ...Ике аҡҡош йөҙә тын һыуҙарҙа, Раҫлағандай һөйөү шөһрәтен. Мин дә тынып ҡалдым, танығандай Беҙҙең яҙмышыбыҙ һүрәтен. Искәндәриә 8/06/24