Қазақ тілі және әдебиет пәні мұғалімдерінің қатысуымен ғылыми-тәжірибелік семинар өтті.

Қазақ тілі және әдебиет пәні мұғалімдерінің қатысуымен ғылыми-тәжірибелік семинар өтті. Семинар «Қазақ руханиятының айнасы – «Абай жолы» романы мектеп бағдарламасында» тақырыбы бойынша өткізілді. Шара басталмас бұрын қатысушылар «Абай жолы – руханият жолы» атты көрмені тамашалады. Семинарда сөз алғандар роман-эпопеяны мектепте жаңашыл көзқараспен оқыту мәселелерін қаузады. Сондай-ақ, шығарма арқылы жасөспірімдерді ұлттық құндылықтарды құрметтеуге баулу туралы да сөз болды. Айта кетсек, таяудағы Президент мақаласында: «Абайдың даналығы, Әуезовтің ғұламалығы, ғасырлар қойнауынан жеткен бабалар үні – бұлар біздің рухани мәдениетіміздің бір парасы ғана»,- делінген. Бұл тұрғыда ұйымдастырушылар «Абай жолы» романын түсініп оқыған әр оқушы төл әдебиетіміз бен мәдениетімізді танып-білуге ден қояды деген сенімде.