Православный календарь Вторник 12 ноября 2024 / 30 октября 2024

Седмица 21-я по Пятидесятнице. Глас третий. Сщмч. Зиновия, еп. Егейского, и сестры его Зиновии (285). Новосщмч. Евгения (Зернова) митр. Нижнегородский (1935). Сщмч. Леонида пресвитера (1941). Новомч. исп. Варнавы (Настика) Боснийского (1964). Сщмч. Матфея Казарина диакона (1942). Обре́тение мощей свт. Агафангела исп., митр. Ярославского (1998). Апп. от 70-ти Тертия, Марка, Иуста и Артемы (I). Сщмч. Маркиана, еп. Сиракузского (II). Мц. Евтропии Александрийской (ок. 250). Мц. Анастасии Солунской (III). Свв. Стефана Милютина, короля Сербского (1320), брата его Драгутина (1316) и матери их Елены (1306) (Серб.). Озерянской иконы Божией Матери (XVI). Мчч. Александра, Крониона, Иулиана, Макария и 13 мчч., Александрийских. Мч. Дометия Фригийского. Ап. Клеопы (Греч.). Свт. Иосифа, патр. Константинопольского (Греч.). Новосщмч. Никанора (Кудрявцева), еп. Богородицкого. Обретение мощей вмч. Стефана-Уроша III Дечанского, царя Сербского (1331). Мч. Иотама Зедгенидзе Параванского (1465) (Груз.). Чтения дня Колоссянам 1:1-2, 7-11 Луки 11:34-41 Тропари Сщмч. Зиновия и мц. Зиновии. Тропарь, глас 4. Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами/ спаси́ ду́ши на́ша. Кондак, глас 8. И́стины свиде́тели и благоче́стия пропове́дники,/ дво́ицу досто́йно почти́м в Богодухнове́нных пе́снех,/ Зино́вия вку́пе с му́дрою Зинови́ею,/ ку́пно жи́вшия и отше́дшия/ и муче́нием прии́мшия вене́ц нетле́нный. Озерянской иконы Богородицы. Тропарь, глас 3. Твоего́ предста́тельства увере́ние/ и милосе́рдия Твоего́ явле́ние/ ико́на Озеря́нская нам, Влады́чице, показа́ся;/ пред не́юже ду́ши на́ша в моли́тве излива́ем/ и ве́рою Тебе́ вопие́м:/ воззри́, Милосе́рдая, на люди́ Твоя́,/ вся ско́рби на́ша и печа́ли утоли́,/ утеше́ние благо́е в сердца́ на́ша низпосли́/ и спасе́ние ве́чное душа́м на́шим, Пречи́стая, испроси́. Кондак, глас 5. Не отри́ни, о Милосе́рдая Ма́ти,/ слез и воздыха́ний на́ших,/ но проше́ния на́ша ми́лостивно прии́мши,/ пред ико́ною Твое́ю моля́щихся люде́й ве́ру укрепи́,/ умиле́нием сердца́ их испо́лни и крест земна́го жития́ носи́ти им помози́;/ ели́ка бо хо́щеши, мо́жеши. Св. Стефана Милютина. Тропарь, глас 3. Ты на земли́ вседу́шно Христа́ возлюби́в/ и Того́ за́поведи соблюда́я,/ я́ко река́, благоутро́бием изсо́хших нището́ю бога́тно напои́л еси́/ и лю́ди своя́ снабде́л еси́,/ и ра́ка моще́й твои́х благоуха́ния це́льбы всем подае́т,/ сего́ ра́ди, свя́те, мо́лим тя,/ изпроси́ душа́м на́шим ве́лию ми́лость. Кондак, глас 4. Яви́лся еси́ от ко́рене блага́го/ о́трасль пресла́вная оте́честву своему́ и прароди́телем свои́м,/ новообра́зен подо́бник быва́еши/ и лю́дем свои́м явля́ешися у́тварь прекра́сная.