Браніслаў Тарашкевіч (1892 – 1938)

1918 год. Малады мовазнаўца Браніслаў Тарашкевіч выдае “Беларускую граматыку для школ” – першую афіцыйную граматыку беларускай мовы ў найноўшай гісторыі. Яна вытрымала шэсць перавыданняў, некалькі рэформаў правапісу і дажыла да нашых дзён як “тарашкевіца”. Але для самога Тарашкевіча жаданне “будаваць беларускі дом” сталася ракавым. Расчараваны ў сябрах-паляках, ён паверыў савецкай прапагандзе, захапіўся ідэямі камунізму, а дайшоўшы да сваёй “абяцанай зямлі”, загінуў, як тысячы іншых шукальнікаў.