Արկտիկայում Մոսկվայի և Արևմուտքի դիմակայությունը սկսվել է դեռևս նախորդ դարի 70-ականներին

1977 թվականի օգոստոսի 17-ին խորհրդային «Արկտիկա» ատոմային սառցահատն աշխարհում առաջինը հասավ Հյուսիսային բևեռի աշխարհագրական կետին։ Մինչ այդ դա հաջողվել էր միայն ատոմային սուզանավերին։ Արևմուտքը, միջազգային պայմանագիրը խախտելով, ատոմային նավի արշավի ժամանակ դադարեցրեց օդերևութաբանական տվյալներ փոխանցել Գրենլանդիայում գտնվող բևեռային կայաններից, կանադական և ամերիկյան Արկտիկայից։ Մեր օդերևութաբաններին օգնեց բևեռային ավիացիան, որը տեղակայված էր Հյուսիսային Երկիր և Ֆրանց Իոսիֆի Երկիր կղզեխմբերում։ ԽՍՀՄ դրոշի ներքո «Արկտիկայի» արշավը սենսացիա դարձավ` թույլ տալով կարճ երթուղիներով ընդլայնել Հյուսիսային Սառուցյալ օվկիանոսում նավիգացիայի ժամանակահատվածը։