18 сакавіка на Шклоўшчыне прайшоў раённы суботнік

У суботу, 18 сакавіка, на Шклоўшчыне прайшоў раённы суботнік. Нягледзячы на невялікі снег з дажджом і парывісты вецер, у горадзе і раёне адбыліся мерапрыемствы па добраўпарадкаванні тэрыторый. Галоўнай асаблівасцю дадзенага суботніка сталі маштабныя работы па высадцы маладых дрэў ўздоўж вуліц Ленінскай, Савецкай, 70 год Вялікай Перамогі, Энтузіястаў і іншых. У цэнтральных раёнах горада праходзіла апрацоўка глебы пад новыя клумбы. Паралельна ў гарадскім парку на замацаваных тэрыторыях арганізацыямі раёна актыўна вялася ўборка леташняга лісця.