Бірге біз мықтымыз

«БІРГЕ БІЗ МЫҚТЫМЫЗ» АКЦИЯСЫ «Бірге біз мықтымыз» - мұқтаж адамдарға дүкеннен тегін нан алу мүмкіндігі болу үшін, бір немесе екі нан ақшасын қалдырып кету. Мектептің негізгі міндеті - білім беру. Ұлы Әл-Фараби: «Тәрбиесіз берілген білімнің пайдасы аз» деген. Білім мен тәрбие - құстың қос қанатындай болуы қажет. Сонда ғана биікке самғай аламыз. Қазіргі мектептердің негізгі мақсаты білімді әрі тәрбиелі, өз іс-әрекеттерімен қоғамға пайда әкелетін ұрпақ тәрбиелеу. Осы мақсатта біздің мектепте «Бірге біз мықтымыз» жобасы іске асырылып жатыр. Жобаның мақсаты әлеуметтік жағдайы нашар адамдарға көмек қолын созу. Яғни, сіз дүкенге келгенде 2 нанның ақшасын төлейсіз де, біреуін ілмекке қойып кетесіз. Ол нанды зейнеткерлер, көп балалы отбасылар,жағдайы төмен адамдар тегін ала алады. Бұл акцияға біздің оқушылар қызыға, белсене қатысып жүр. Осы арқылы бала жүрегіне мейірім, қайырымдылық, жанашыр сезімдерін ұялата отырып, қоғамда көмекке зәру адамдарға қол ұшын созу мақсатында үлесімізді қоссақ деген ой.