Գցել են ոտքերի տակ, բռունցքներով հարվածել. զանգվածային անկարգություն՝ Արցախի ներկայացուցչության մոտ

Բաժանորդագրվեք մեզ՝ #զանգվածային_անկարգություն #5tv Արցախի նախագահ Սամվել Շահրամանյանը Արցախի լուծարման մասին հրամանագիր ստորագրելուց 22 օր անց Երևանում հայտարարել է, թե չի լուծարվել Արցախի Հանրապետությունը, որովհետև որևէ փաստաթուղթ չի կարող լուծարել ժողովրդի ստեղծած Հանրապետությունը: Այլ խաղաքարտեր չի բացել Շահրամանյանը՝ պնդելով, թե չի կարող տեսախցիկների առաջ խոսել այդ մասին, բայց Հանրային հեռուստաընկերության եթերում պարզաբանումներ կտա: Արցախի կառավարությունը արցախցիների խնդիրները լուծելու համար լիազորությունների է սպասում, բայց թե ումից ու ինչ լիազորություններ, նրա խոսքից պարզ չէ: Արցախի նախագահը տեսախցիկների առաջ է հայտնվել, երբ արցախահայերը, ոստիկանական պատը ճեղեքելով, մտել են Արցախի ներկայացուցչություն՝ պաշտոնյաների հետ հանդիպելու պահանջով: Գրեթե 4 ժամ շարունակվել է բողոքի ակցիան, այդ ընթացքում Շահրամանյանը բանակցություններ է վարել արցախցիների հետ՝ պարբերաբար դուրս գալով ու կոչ անելով՝ չվտանգել Հայաստանի անվտանգությունն ու Արցախի հետագա ճակատագիրը: