«Урал батыр мәктәбе» — туған тел һағында

«Урал батыр» эпосы буйынса тәрбиә эштәре алып барыу башланғысы 1992 йылда «Тормош һабаҡтары» дәресенә индерелгәйне. Ә 2019 йылда билдәле милләттәшебеҙ, педагог, дәреслектәр авторы, яҙыусы Мәрйәм Бураҡаева “Урал батыр мәктәбе“н ойошторорға тәҡдим итте. Уның концепцияһы йәш быуынды тәрбиәләү эшен эпос нигеҙендә алып барыуҙы күҙ уңында тота. Башланғыс нигеҙендә республика Башлығы грантына «Халҡым, һеҙгә шуны әйтәм» тип аталған китап баҫылып сыҡты һәм 2021 йылда уның исем туйы үткәрелде, был сараны йәмәғәтселек хуплап ҡаршы алды. Былтыр иһә Рухиәт байрамы ойошторолдо, унда республиканың мәғариф учреждениелары ҡатнашты. Халыҡ-ара туған телдәр көнө айҡанлы бөгөн һеҙҙең иғтибарығыҙға «Туған тел — ул күңел нуры» фильмын тәҡдим итәбеҙ һәм “Урал батыр мәктәбе“нең ун йүнәлешен иҫегеҙгә төшөрәбеҙ: 1. Тау буйҙары йәшәрһен, мәңге үлмәҫ төҫ алһын. Маҡсаты: тәбиғәтте һаҡларға өйрәтеү. 2. Етем-еҫерҙәрҙең алдында күҙенә керпек булығыҙ. Етем балалар, яңғыҙ ҡалған өлкәндәр хаҡында хәстәрлек. 3. Ил ынйыһын йәшереп, ергә күмеп ҡ