Национальное телевидение Чувашии Финанссем: халь тата кунта

🎯 Загружено автоматически через бота: 🚫 Оригинал видео: 📺 Данное видео принадлежит каналу «Национальное телевидение Чувашии» (@ntrk21). Оно представлено в нашем сообществе исключительно в информационных, научных, образовательных или культурных целях. Наше сообщество не утверждает никаких прав на данное видео. Пожалуйста, поддержите автора, посетив его оригинальный канал. ✉️ Если у вас есть претензии к авторским правам на данное видео, пожалуйста, свяжитесь с нами по почте support@, и мы немедленно удалим его. 📃 Оригинальное описание: Хăйсен ĕçне уçакансене финанс пĕлĕвне ӳстерме пулăшас тĕллевпе тĕрлĕ семинар ирттереççĕ. Унта усламçăсен мĕншĕн вăхăтлă патент çирĕплетмеллине, патшалăх тивĕçтерекен çăмăллăхсем çинчен пĕлме май пур. Вĕсенчен пĕринче пирĕн пултарулăх ушкăнĕ те пулса курчĕ. Çĕршыври финанс лару-тăрăвĕ санкцисене пулса çăмăлах мар. Çавăнпа та Раççей Патшалăх Думин финанс рынокĕн комитечĕн ертӳçи Анатолий Аксаков хăйсен ĕçне уçнă çамрăксене, хастарсене банксен ставкисем тата ытти çĕнĕлĕх çинчен каласа пачĕ. Кашнин ыйтăвне туллин хуравлама тăрăшрĕ. Семинара пухăннисем те именсе тăмарĕç. Тĕслĕхрен, «Погремушка» лавкка уçас пулсан мĕншĕн-ха 10 пин тенкĕ штраф тӳлеттерме пултараççĕ? Ку ята тепĕр çын йышăннă пулсан. Шăпах спикерсем кунта патент пĕлтерĕшĕ пирки аса илтереççĕ. Пĕчĕк тата вăтам бизнеса пулăшассипе йĕркеленĕ агентствăра услам тăвакансене кивçен укçа пама пултараççĕ. Регионти гаранти фончĕпе усă курса тĕрлĕ проекта пурнăçа кĕртсе май пур вĕсен. Çавăн пекех пĕчĕк тата вăтам бизнесра хăйсене шыракансем тавра курăмне, пĕлĕвне тĕрлĕ тӳлевсĕр семинарсенче тĕрĕслеме пултараççĕ. Çавăн пекех услам енĕпе пуçламăш утăм тăвакансене бизнес-план хатĕрлеме те çăмăллăнах пулăшаççĕ. Ку енĕпе коворкинг тухăçлă ĕçлени çинчен каласа пачĕç çак семинара йĕркелекенсем. Раштав уйăхĕн 1-мĕшĕнчен «Тараватлă раштав уйăхĕ» пуçару вăй илет. Ĕç вырăнне 1 тенкĕпе тĕрлĕ кирлĕ хатĕрпе йĕркелеме май пур. Финанс пĕлĕвне ӳстерес тĕллевпе семинара пухăннисене компанисен банксемпе мĕнле тĕрĕс хутшăнусем йĕркелемеллине каласа пачĕç. Çав вăхăтрах ултавçăсен серепине лекесрен те асăрхаттарчĕç. Кун пек семинарсене яланах ирттерме тăрăшаççĕ. Çитес çул вара ток-шоу йĕркелес шухăшсем те пур. Унта хутшăнма Раççей Патшалăх Думин финанс рынокĕн комитечĕн ертӳçине Анатолий Аксакова чĕнесшĕн. Юлашкинчен усламçăсене мĕн пур укçана бизнеса ямалла мар, хăрушсăрлăх финанс енчĕкĕ пулмаллах терĕç.