Фозил Қори Ёсин Қори Ўғли Устозни Хотирлаймиз

Бисмиллаҳир роҳманир роҳийм! Оламлар Робби Аллоҳ таолога чексиз ҳамду сано ва мақтовлар бўлсин! Ҳабибимиз Муҳаммад Мустафо соллаллоҳу алайҳи ва салламга дуруду саловотлар бўлсин! Ассалому алайкум ва роҳматуллоҳи ва барокатуҳу! Ҳурматли азизлар! Бир йилча аввал марҳум устоз, фасоҳатли воиз, моҳир нотиқ Фозил қори Ёсин ҳожи ўғли Собиров қаламларига мансуб “Ҳалол ва ҳаром“ ҳамда “Қалблар шифоси“ номли китобларни қайта нашр этиш ишларига киришган эдик. Йигирма йиллар аввал чоп этилган ушбу рисолалар ўша даврда ўз мухлисларини топган ва китобнинг адади саноқли экани сабабидан китобхонлар томонидан кейинчалик ҳам сўровлар бўлган эди. Аллоҳ таолонинг инояти ила айни кунларда “Ҳалол ва ҳаром“ ва “Қалблар шифоси“ китобларини қайта нашр қилиш бахтига муяссар бўлиб турибмиз. Айтиб ўтиш жоиз-ки, аввалги нашрдан фарқли равишда ушбу икки асар сифат нуқтаи назаридан анча такомиллаштирилди. Техник, имловий камчиликлар тўлдирилди, Қуръон оятлари ва ҳадислар келтирилган ўринларда манбалар кўрсатилди. Асосийси, муал