Хабты Альбин рамбылдта Урсейы фсивды хъуыддгты фдыл федералон агентады грант

Сывæллæттæ алы къæпхæны сæхи фæлварынц. Чи йæхи операторы ролы уыны, чи та сæйраг хъатарты сурæт бары. Æппæт архайд цæуы ирон æвзагыл. Дзæгъиаты Сарданæ мультипликацийы къорды ныр цыппæрæм мæй ис. Чызг аразы персонажтæ. Ацы хатт Хетæгкаты Къостайы “Марходарæг“-мæ гæсгæ. Куысты бæрæггæнæнтæй разыйæ баззайынц. Къорды архайы 40 скъоладзауæй фылдæр. Сценарий фæахуыр кæнынц ирон æвзаджы урокты. Сфæлдыстадон архайд уарзын æмæ курдиатæй уæлдай ма хъуыддаг домы бирæ рæстæг æмæ бæстон архайд. Проекты хъæппæрис Хабæты Альбинæмæ фæзынд цалдæр азы размæ. Афæдзы райдиан чызг рамбылдта Уæрæсейы фæсивæды хъуыддæгты фæдыл федералон агентады грант “Делись опытом“, зæгъгæ, номинацийы. «Операция Æнимация» проекты сæйраг хæс - педагогон здæхты студентты æмæ æрыгон специалистты æмвæзад фæуæлдæр кæнын. Фыццаг къæпхæн райдайдзæн февралы. Санаторий “Осетия“-йы æртæбонон интенсив бабæрæг кæндзæн 40 адæймаджы. Логопедтæ, хъомылгæнджытæ, райдиан кълæсты ахуыргæнджытæ. Уыдон райсдзысты теоретикон æмæ практикон фæлтæрдзинад. Уый фæстæ та анимацийæ пайда кæндзысты куысты. Кæронбæттæн къæпхæн сараздзысты сæрды. Ацæудзæн анимацион фестивалы форматы. Архайджытæ равдисдзысты ахуырадон проекты раззагдæр специалисттæ сæ цæуыл сахуыр кодтой, уый. Уымæй уæлдай ма райсдзысты байхъусджыты сертификаттæ, хуыздæрты та фæнысан кæндзысты зæрдылдарæн лæвæрттæй.