«АНАҒА ХАТ» - ТАМАША ТӘРБИЕ БАСТАУЫ

«Анаға хат». Бұл жоба айтыс өнерінде ойып алар орны бар Ақмарал Леубаеваның ұйымдастыруымен 2011 жылы дүниеге келген. Жастар шығармашылығын шыңдайтын байқау жыл өткен сайын үлкен танымалдыққа ие болуда. Дәстүрлі шара биыл да ұйымдастырылып, ол Бәйдібек ауданы, Ақбастау ауылындағы мәдениет үйінде қорытындыланды. Байқаудың бұл ауылда қорытындылануында да үлкен мән бар. Өйткені, Ақбастау- ақыннның туып – өскен ауылы. Сондықтан, байқау жеңімпаздары да осында шақырылды. Жалпы, биылғы байқауға 70- тен астам шығарма келіп түскен. Солардың арасынан Жансая Әліпбайдың шығармасы ең үздік деп танылып, бас жүлдені иемденді.