КЕСӘЛ

КЕСӘЛ 🔻2 л су 🔻2 аш кашыгы крахмал 🔻100 грамм шикәр комы 🔻300 грамм чамасы туңдыргычтан алынган җиләк җимеш (карлыган, зелпе, кура җиләге, каен җиләге). 🥣Кәстрүлгә җиләкләрне, шикәр комын, су салып кайнарга утыртабыз. Матур төскә кергәнче 5-10 минут кайнатабыз. 🍶Ул арада крахмал өстенә 1 стакан салкын су салып, болгатып, крахмалны әзерләп куябыз. Әзер крахмалны кайнап торган компот өстенә җайлап кына салып болгатабыз. Ул бик тиз куера. 🍵Кайнап чыккач, тагын 5 минут тирәсе болгата-болгата кайнатабыз. Кесәлне куе итсәң, калак белән ашарлык була, сыек итсәң, эчәрлек була. Кесәлне салкын килеш тә, җылы килеш тә, җимешләрдән сөзеп тә, җимешләре белән бергә бирергә дә мөмкин.