Православный календарь 13 октября

Неделя 16-я по Пятидесятнице. Глас седьмый. Сщмч. Григория еп., просветителя Великой Армении (ок. 335). Прп. Григория Пельшемского, Вологодского чудотворца (1442). Свт. Михаила, первого митр. Киевского (992). Сщмч. Прокопия пресвитера (1918). Сщмчч. Петра, Вячеслава, Петра, Симеона, Василия пресвитеров, Серафима диакона, прмц. Александры, мчч. Алексия и Матфея, мц. Аполлинарии (1937). Сщмч. Леонида пресвитера (1938). Новосщмч. иерея Николая Загоровского (мон. Серафима) (1943). Мцц. Рипсимии, наставницы ее Гаиании и с ними 35-ти святых дев (начало IV). Свт. Мелетия, патриарха Александрийского. Свт. Гонория, архиеп. Кентерберийского (653) (Кельт. и Брит.). Св. блгв. Михаила, кн. Черниговского. Св. блг. князя Феодора Ярославича Владимирского (1246). Пустынникoв Танкридa, Торфредa и Това Форнейскиx. Мч. Стратоника (Греч.). Мч. Мардония (Греч.). Чтения дня Луки 24:12-35 (на утрене. Евангелие 5-e) 2 Коринфянам 6:1-10 Луки 6:31-36 Тропари Тропарь воскресный, глас 7. Разруши́л еси́ Кресто́м Твои́м сме́рть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови/ ве́лию ми́лость. Богородичен, глас тойже. Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждшая Спасе́ние на́ше;/ Я́же пре́жде рождества́ Де́ва, и в рождестве́ Де́ва,/ и по рождестве́ паки пребыва́еши Де́ва. Кондак, глас тойже. Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связуе́м быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:/ изыди́те, ве́рнии, в воскре́сение. Свт. Михаила. Тропарь, глас 4. Днесь проро́чествие во апо́столех Первозва́ннаго испо́лнися,/ се бо на сих гора́х возсия́ благода́ть и ве́ра умно́жися./ И и́же неве́рием обветша́вшии/ боже́ственною купе́лию отроди́шася/ и бы́ша лю́дие обновле́ния, ца́рское свяще́ние,/ язы́к свят, Христо́во ста́до,/ ему́же ты, пе́рвый па́стырь, яви́лся еси́,/ я́ко пе́рвее Креще́нием послужи́вый./ И ны́не предстоя́ Влады́це Христу́ Бо́гу,/ моли́ всем сыно́м ру́сским спасти́ся:/ и́маши бо дерзнове́ние я́ко иера́рх Бо́жий и священнослужи́тель. Кондак, глас 2: Моисе́й вторы́й Росси́и яви́лся еси́, о́тче,/ пренесы́й мы́сленный виногра́д/ от еги́петскаго идолослуже́ния в зе́млю проро́чествием предуви́дену:/ бу́дет, рече́ утвержде́ние ве́ры на земли́,/ и на версе́х гор Ки́евских превознесе́тся па́че лива́на/ Плод, пита́яй ми́ра всего́,/ от Него́же вкуси́вше,/ ублажа́ем тя, Михаи́ле, Бо́жий иера́рше. Сщмч. Григория еп., просветителя Великой Армении. Тропарь, глас 4. И нра́вом прича́стник,/ и престо́лом наме́стник апо́столом быв,/ дея́ние обре́л еси́ богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Григо́рие,/ моли́ Христа́ Бо́га,/ спасти́ся душа́м на́шим. Кондак, глас 2. Благосла́внаго и священнонача́льника вси,/ я́ко страда́льца и́стины,/ днесь ве́рнии в пе́снех и песнопе́ниих восхва́лим,/ бо́драго па́стыря и учи́теля Григо́рия,/ всеми́рнаго свети́льника и побо́рника,/ Христу́ бо мо́лится, е́же спасти́ся нам. Прп. Григория Пельшемского, Вологодского чудотворца, глас 8. Любо́вию Христо́вою, богому́дре, просвети́вся,/ доброде́тельми облиста́л еси́/ и, вся́кое наслажде́ние плотско́е возненави́дев и в пусты́ню всели́вся,/ в не́йже вельми́ подвиза́лся еси́ в жи́зни сей вре́менней/ в пе́ниих, и во бде́ниих, и в поще́ниих,/ сего́ ра́ди и Христо́с да́ром чуде́с обогати́ тя;/ но помина́й нас, чту́щих пресве́тлую па́мять твою́, преподо́бне о́тче Григо́рие,/ и моли́ Христа́ Бо́га, спасти́ся душа́м на́шим. Кондак, глас 8. Христо́вою любо́вию уязви́вся преподо́бне,/ и Тому́ невозвра́тным жела́нием после́довал еси́,/ вся́кое наслажде́ние плотско́е возненави́дев/ и в пусты́ню всели́вся, в ней вельми́ подвиза́лся еси́;/ тем и Христо́с да́ром чуде́с обогати́ тя./ Помина́й нас, чту́щих пресве́тлую па́мять твою́, да зове́м ти:/ ра́дуйся, преподо́бне Григо́рие, о́тче наш. Св. блг. князя Феодора Ярославича Владимирского. Тропарь, глас 8. В жи́зни сей утверди́ся ве́рою,/ в за́поведех Госпо́дних пребыва́ше непрекло́нен,/ благоугоди́х Тому́, я́ко благочести́в самоде́ржец/ Ему́же подо́бяся о вруче́нных ти христоимени́тых лю́дех,/ ду́шу свою́ положи́ти потща́вся,/ в зе́млю идя́ше всезлу́ю и безбо́жную/ и та́мо, пред нечести́вым мучи́телем Христа́ дерзнове́нно испове́дав,/ му́ченический вене́ц прия́т,/ те́мже, прему́дре Фео́доре Яросла́виче,/ Изба́вителя моли́ изба́вити от бед оте́чество твое́ и лю́ди,/ да тя вси непреста́нно почита́ем.