Преподобный Пахомий Кенский,игумен

Канон святому преподобному Александру Ошевенскому Припев: Преподо́бне о́тче Алекса́ндре, моли́ Бо́га о на́с. Память: 03 мая (20 апреля ст. ст.) Глас 4. __ Акафист святому преподобному Александру,Ошевенскому чудотворцу Память: 03 мая (20 апреля ст. ст.) __ Акафист святому преподобному Александру,Ошевенскому чудотворцу Память: 03 мая (20 апреля ст. ст.) __ Припев: Преподо́бне о́тче Пахо́мие,моли Бога о нас. Преподобному Пахомию Кенскому,игумену Тропарь, глас 8. В тебе́, о́тче, изве́стно спасе́ся е́же по о́бразу прии́м бо крест после́довал еси́ Христу́, и де́я учи́л еси́ презира́ти у́бо пло́ть, прихо́дит бо: прилежа́ти же о души́, ве́щи безсме́ртней: тем же и со А́нгелы сра́дуется, преподо́бне Пахо́мие, дух твой. Кондак, глас 2. Чистото́ю душе́вною боже́ственно вооружи́вся, и неприста́нныя моли́твы я́ко копие́ вручи́в кре́пко, пробо́л еси́ бесо́вская ополче́ния, Пахо́мие, о́тче наш, моли́ непреста́нно о всех нас. Величание Ублажа́ем тя,/ преподо́бне о́тче Пахо́мие,/ и чтим святу́ю па́мять твою́,/ наста́вниче мона́хов// и собесе́дниче А́нгелов. Молитва О священная главо, преподобне отче, преблаженне авво Пахо́мие, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.