Украинада президент сайлауы: Комедиялық әртіс Владимир Зеленский көш бастап келеді

Украинада президент сайлауы өтіп, алғашқы айналымның нәтижелері белгілі болды. Алдын ала есеп бойынша, комедиялық әртіс Владимир Зеленский 30,4 пайыз дауыспен көш бастап келеді. Ел президенті Петр Порошенко 17,8 пайыз дауыс жинаса, «Батькивщина» партиясының лидері Юлия Тимошенконы 14,2 пайыз сайлаушы қолдаған. Петр Порошенко сайлаудың еркін, халықаралық стандартқа сай өткенін айтты. Алайда, Юлия Тимошенко нәтижелердің әділдігіне күмән келтіріп, шағым түсіретінін білдірді.